Mutungamiri wenyika yeAmerica VaJoe Biden nezuro vakati America yainge yauraya mutungamiri wechikwata chinopfurikidza mwero cheAl Qaida, Ayman al Zawahri. Al Zawhri akaberekerwa kuEgypyt.
Chikwata cheAl Qaida ndicho chakapamba ndege ndokuparadza zvivakwa muNew York, Pentagon nePennsylvania musi wa 11 Gunyana 2001 kukafa vanhu zviuru zviviri nemazana mapfumbamwe nemakumi manomwe nevanomwe.
VaBiden vakati mushure mekutsvaga Al Zawhri kwemakore akawanda, vasori vemuAmerica vakazoziva kuti ainge ave kugara muKabul, Afghanistan nevamwe vepedyo vemhuri yake. VaBiden vanoti Al Zawahri akaurayiwa ari oga kunyangwe mumba maainge ari mainge muine vamwe vanhu.
Chizvarwa cheZimbabwe chinogara muNew York muzvare Savanna Madamombe, vanoti chiitiko ichi chichabatsira kupodza maronda evanhu vazhinji vakarasikirwa nehama neshamwari muguta iri mugore ra 2011.
Your browser doesn’t support HTML5
Hurukuro na muzvare Savanna Madamombe