Mutungamiri weNyika, VaMnangagwa, Votarisirwa Kutura Mashoko avo kuMhuri yeZimbabwe

Mutungamiri wenyika, VaEmmerson Mnangagwa vari kutarisirwa kutura mashoko avo kumhuri yeZimbabwe kana kuti State of The Nation Address, SONA, neChipiri masikati mudare reparamende.

Asi bato guru rinopikisa reMDC inotungamirirwa naVaNelson Chamisa rinoti nhengo dzaro dzeparamende dzichatora matanho ekuratidzira panguva iyo VaMnangagwa vachange vachitaura sezvo bato iri risinga vacherechedze semutungamiri wenyika.

Mutauriri webato reMDC, VaDaniel Molokele vanoti bato ravo richiri kutsvaga nzira dzekuratidzira nadzo, sezvakamboita munguva dzapfuura apo mutungamiri wenyika vaitaura kuparamende, dzinosanganisira kubuda mudare.

Asi nhengo yeZanu PF, vari mumiriri weBulilima West muparamende, VaDingimuzi Phuti, vaudza Studio 7 kuti kana nhengo dzeMDC dzakabuda muparamende VaMnangagwa vachitaura ndidzo dzinenge dzarasikirwa zvikuru.

VaPhuti vati mutungamiri wenyika vari kutarisirwawo kuzivisa nyika pamusoro pematanho ari kutorwa nehurumende yavo ekugadzirisa nyaya dzezveupfumi hwenyika.

Embed share

Hurukuro naVaDaniel Molokele

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:36 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player