Accessibility links

Breaking News

Zvizvarwa zveZimbabwe Zviri muSouth Africa Zvogara Zvakabatira Ura Mumaoko


Zvizvarwa zveZimbabwe zviri mudunhu reLimpopo muSouth Africa zvinoti zvave kugara zvichitya kurwiswa zvichitevera kupondwa kwemadzimai manomwe nechizvarwa chekuZimbabwe.

Zvizvarwa zveZimbabwe zviri muSeshego, Polokwane, Mankweng, neWesternburg mudunhu reLimpopo muSouth Africa zvinoti zvave kugara zvakabatira ura mumaoko zvichityira kurwiswa nevagari vemunzvimbo idzi mushure mekusungwa kwechizvarwa cheZimbabwe chichipomerwa mhosva yekuponda madzimai manomwe gore rino.

Murume wekuZimbabwe, Themba Prince Willards Dube, uyo ane makore makumi matatu nematanhatu ekuberekwa, akamiswa pamberi pedare neMuvhuro svondo rino achipomerwa mhosva yekuba, kubata chibharo pamwe nekuponda madzimai angangosvika manomwe ayo anonzi aikwezva achivanyepera kuti anovawanisa mabasa.

Dube akasungwa mushure mekuwanikwa aine nharembozha yaifungidzirwa kuti akaba, izvo zvakazosvitsa pakubvundunyurwa kwenyaya yekuponda iyi.

Studio 7 yakundikana kubata mapurisa emuSouth Africa kuti tinzwe zvizhinji nezvenyaya iyi.

Asi mutauriri wesangano reZimbabwe Human Rights Organisation muSouth Africa, VaAzaria Dube, vanoti kunyange hazvo pasati pave nemunhu ati arwiswa zvichitevera chiitiko ichi, zvizvarwa zvekunze kweSouth Africa zviri mudunhu iri zvakatoyamirwa kuti zvicharwiswa.

Hurukuro naVaAzaria Dube
please wait
Embed

No media source currently available

0:00 0:03:11 0:00
Pekupinda Napo Kuti Muone Zvamuri Kuda


Facebook Forum

XS
SM
MD
LG