Ecobank Yokonzera Mutauro Zvopa Kuti Vashandi Varatidzire

Sangano rinomirira vashandi vemumabhanga, reZimbabwe Banks and Allied Workers Union, (ZIBAWU), rinoti nhengo dzaro dziri kuronga kuratidzira musi wa 13 mwedzi unouya dzichinyunyuta nemabatirwo ari kuitwa vashandi nebhanga reEcobank Zimbabwe.

Mutevedzeri wemunyori mukuru weZIBAWU, VaShepherd Ngandu, vanoti sangano ravo rasvika pakutora danho iri nekuona kuti bhanga re Ecobank Zimbabwe harisi kuda kubaira vashandi varo vakawanda zvitupa, izvo zviri kuita kuti varambe vachishanda sema contract kana kuti casual.

VaNgandu vanoti zvakare bhanga iri riri kuramba kuti vashandi vaumbe makomiti anovamirira kanawo kuti vapinde muzvirongwa zvinoitwa nesangano rinomirira vashandi vekumabhanga.

VaNgandu vanoti vakatozivisawo mapurisa nezuro kuti vachange vachiratidzira murunyararo, kunyange hazvo vasingasungirwe kuzivisa mapurisa.

Studio7 haina kukwanisa kunzwa divi reEcobank panyaya iyi sezvo nhare dzavo dzanga dzisingadairwi.

Embed share

Hurukuro naVaShepherd Ngandu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:02 0:00

Pekupinda Napo Kuti Muone Zvamuri Kuda

• 32 kbps | MP3
• 48 kbps | MP3
• 16 kbps | MP3

Pop-out player