Accessibility links

Breaking News

Vechidiki veYALI Voita Hurukuro yeKuzeya Nyaya Dzekuchengetedzwa Kwekodzero dzeVanhu neBudiriro


Vivid Gwede mumwe wevechidiki vange vari pachirongwa cheYALI.
Vivid Gwede mumwe wevechidiki vange vari pachirongwa cheYALI.

Vamwe vechidiki vaviri vange vari pachirongwa cheMandela Washington Fellowship vakaita hurukuro yeBudiriro mumatunhu nekodzero dzevanhu pamuzinda weAmerica muHarare nemusi weChipiri.

Vaviri ava igweta muzvare Tariro Tandi naVaVivid Gwede vanoshanda nesangano reZimRights.

Vivid Gwede naMuzvare Tariro Tandi
Vivid Gwede naMuzvare Tariro Tandi

​VaGwede vanoti musangano wavo wakazeya mafambiro ari kuita nyaya dzinosanganisira dzekodzero dzevanhu, nyaya dzehutongo hwejekerere ne nyaya dzebudiriro.

VaGwede vanoti vane zvizhinji zvavakadzidza kuAmerica pavakange vari pamusangano weMandela Washington Fellowship For Young African Leaders gore rino zvichavabatsira mukuyenzanisa mafambiro ari kuita zvinhu munyika nezviri kuitika munyika dzakabudirira.

VaGwede nevamwe zvimwe zvizvarwa zvemuZimbabwe zvinosvika makumi matanhatu vakabatana nevamwe vechidiki vanosvika chiuru kubva kunyika dzemuAfrica kupinda muchirongwa ichi.

"Nhasi tawana mukana wekuzeya nevechidiki vanobva kuzvikoro zvepamusoro nevamwewo pamusoro nyaya dzekumbunyikidzwa kwekodzero dzevanhu, budiriro ne hutongi hwejechetere," VaGwede vaudza Studio 7.

Zvichakdaro, chirongwa chitsva che Mandela Washington Fellowship For Young African Leaders chiri kutarisirwa kuvhurwa kupera kwemwedzi uno uye vanoda kupinda machirongwa ichi vanokwanisa kunyorera kumuzinda weAmerica uri muHarare.

Hurukuro NaVa Vivid Gwede
please wait

No media source currently available

0:00 0:02:02 0:00
Pekupinda Napo Kuti Muone Zvamuri Kuda

XS
SM
MD
LG