Sangano rinomiririra vanhukadzi nekurwira kodzero dzavo, re Women’s Academy for Leadership and Political Excellence (WALPE) rinoti raendesa zvichemo zvaro kunhengo dzeparamende richiti rinoda kuona bumbiro remutemo richishandiswa zvakanaka uye zvesarudzo zvichipindudzwa nenzira inoita kuti vechidzimai vapiwe mukana wekukwanisavo kuti vaite zvematongerwo enyika pasina rusarura. Mukuru wesangano iri, Muzvare Sitabile Dewa, vaudza Studio 7 kuti zvimwe zvavanoda zviri mugwaro ravasvitsa kuparamende zvinosanganisa kugadziriswa nekukurumidza kwebumbiro remutemo kuti rishande pamwe chete nemitemo yemunyika, zvikuru sei munyaya dzesarudzo, vachiti sangano ravo rinoda kuti paramende idzike mutemo wekuti vanhukadzi vapiwe zvigaro zvakaenzana nezvevanhurume, kuita 50/50, kwete zve’proportional representation’ zviri kushandiswa ikozvino.
Facebook Forum