Vanotengesera Mumigwagwa neTajamuka Vanorwisana neMapurisa muHarare

Vanorarama nekutengesera mumigwagwa yemukati meguta reHarare pamwe nenhengo dzesangano reTajamuka/Sesijikile vanonzi vabatana mukurwisana nemapurisa ekanzuru pamwe neZimbabwe Republic Police ayo anonzi ari kuvabvisa nechisimba munzvimbo dzavanotengesera.

Izvi zvinonzi zvaitikawo kudhorobha reNorton, uko kunonzi vanotengesera mumigwagwa ava varamba kubviswa pavanotengesera paKatanga.

Mutauriri wesangano reTajamuka/Sesijikile, VaMakomborero Haruzivishe, vanoti vamwe vevanotengesera mumigwagwa inhengo dzesangano ravo dziri kuoneswa nhamo nemapurisa nguva dzose.

VaHaruzivishe vanoti kusvika panguva yataenda pamhepo vanga vachiri pamapurisa kuti vaedze kuona kuti vanhu vangani vasungwa muchiitiko ichi, asi vanoti vanga vachiziva nezvemunhu mumwechete.

Mutauriri wekanzuru yeHarare, VaMichael Chideme, vati vanga vasati vanzwa zvizere nezvechiitiko ichi sezvo vanga vasiri muguta masikati.

Asi hurumende, kuburikidza nebazi rezvekuburitswa kwemashoko, yaburitsa mashoko paTwitter ichiti kune vachidiki vakawanda vanga vachitema mapurisa nematombo zvaita kuti vasungwe.

Hurumende yatiwo ine humbowo hwemavhidhiyo anoratidza vechidiki ava vachitema mapurisa, uhwo huchashandiswa mudare redzimhosva pakuroverera vakasungwa ava nemhosva.

Hatina kukwanisa kunzwa divi remapurisa panyaya iyi.

Embed share

Hurukuro naVaMakomborero Haruzivishe

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:47 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player