Accessibility links

Breaking News

America Yovhota muna 2020

Veruzhinji Vachakamirira Kuona Anokunda muSarudzo dzeMuAmerica

sdfgh

Zvizvarwa zveAmerica pamwe nevakawanda pasi rose vachakamirira kunzwa zviri kubuda musarudzo yemutungamiri wenyika yakaitwa muAmerica nemusi weChipiri.

Sarudzo iyi yaburitsa makwikwi akasimba pakati pemutungamiri wenyika uye vari mumiriri webato reRepublican Party musarudzo iyi, VaDonald Trump, nemumiriri weDemocratic Party, uye vaimbove mutevedzeri wemutungamiri wenyika, VaJoe Biden.

Kunyange hazvo mavhoti achiri kuverengwa mumatunhu mashanu anoti Pennsylvania, Georgia, North Carolina, Arizona neNevada, zvabuda kusvika pari zvino zviri kuratidza kuti VaBiden vari kutungamira zvokuti zvikaramba zvakadaro, vanogona kubudirira.

Zviri kubuda mumatunhu aya zvinogona kuziviswa chero nguva sezvo kuziviswa kwezviri kubuda musarudzo kuchisiyana zvichienderana nemitemo yematunhu ose emuAmerica panyaya dzesarudzo, uye kuverengwa kwemavhoti mumatunhu aya.

Kuti munhu anzi ndiye akunda musarudzo yemutungamiri wenyika anofanirwa kunge awana zvigaro zve electoral college zvinosvika mazana maviri nemakumi manomwe, kana kuti 270 kana kudarika, kubva pazvigaro mazana mashanu nemakumi matatu nezvisere, kana kuti 538 electoral college seats.

Chimwe chizvarwa cheZimbabwe chiri muTucson mudunhu reArizona, rinove rimwe rematunhu achiri kuverenga mavhoti, uye vari mudzidzisi paUniversity of Arizona, Professor Praise Zenenga, vanobvuma kuti sarudzo idzi dzine makwikwi akasimba, asi vanoti chikuru ndechekuti hutongo hwejekerere ndihwo hwunokunda mumaitirwo esarudzo idzi.

"Tiri pakati pema elections kuno uku. Sarudzo yave kuda kusvika kwamvura yacheka makumbo pakuverengwa, asi mutambo wacho mangange. Kuno ku Arizona tingati hakuna anoziva (kuti anokunda ndiani) nekuti zvakanyatsoita mangange."

Professor Zenenga vanoti kunonoka kubuda kwezvakawanikwa musarudzo mune mamwe matunhu, zvikuru mudunhu ravo reArizona, kwakakonzerwa nekuti vanhu vane huwandu vari muchiuto nemamwe mabasa akaita kuti vavhote vachishandisa posvo sezvo vaive vasiri munzvimbo dzavo pazuva resarudzo.

Panyaya yekuti pane vamwe vatotanga kutora matanho kuburikidza nekuenda kumatare edzimhosva, Professor Zenenfa vanoti hapana panganzi hurongwa hwekuvhota hwabva hwanyatsotsetseka zvekuti panonzi pashaika zvichemo, asi zvichemo izvi zvinenge zviri zvidikidiki, uye panoverengwa mavhoti vamiriri vemapato ose vanenge varipo vachionawo zviri kuverengwa.

Vanotsanangurawo zvakare kuti kana vari kukwikwidza vakasiyana nemavhoti mashomashoma, panobva pangoverengwa zvakare mavhoti pakarepo kuitura kuti panyatsoonekwa kuti akunda ndiani.

Hurukuro naProfessor Praise Zenenga
please wait

No media source currently available

0:00 0:03:19 0:00
Pekupinda Napo Kuti Muone Zvamuri Kuda


See all News Updates of the Day

Mutungamiri weAmerica, VaTrump, Vanoti Vanobuda muWhite House Kana veElectoral College Vakavhotera VaBiden

Mutungamiri weAmerica, VaDonald Trump

Mutungamiri weAmerica, VaDonald Trump, nemusi weChina vakati vanobva chete pamuzinda weWhite House kana vanosarudza mutungamiri wenyika vanozivikanwa seElectoral College, vakasarudza VaJoe Biden senhu akakunda musarudzo dzakaitwa musi wa 03 Mbudzi gore rino.

Aka ndekekutanga kuti VaTrump vaswedere pedyo nekubvuma kuti vakakundwa naVaBiden musarudzo idzi, kunyange hazvo vari kuramba vachidzikorora mashoko avo ekuti sarudzo dzakabirwa zvine mutsindo kunyange vasiri kuburitsa humbowo hwacho.

Vachitaura kuvatori venhau pazororo reThanksgiving vari pamuzinda wavo weWhite House, VaTrump vakati kana VaBiden, vebato reDemocratic Party, avo vanofanirwa kutoreswa mhiko musi wa 20 Ndira gore rinouya, vakanzi neElectoral College ndivo vakakunda musarudzo, vanobuda mumuzinda weWhite House.

Asi VaTrump vakati zvinenge zvakaoma kuti vatambire kuti vakundwa vachitarisa mamiriro akaita zvinhu pari zvino uye vakaramba kubuda pachena kuti vachange vari pamabiko ekugadzwa kwaVaBiden here kana kuti kwete.

VaTrump vakadzokorora zvakare kuti sarudzo idzi dzakabirwa panguva iyo vari kuenderera mberi nekusaburitsa humbowo hwekuti sarudzo hadzina kufambiswa zvakanaka.

VaTrump vakambenge vataurawo kuburikidza nevhidhiyo nenhengo dzemauto eAmerica vachidzipa mashoko ezororo reThanksgiving.

VaBiden vakakunda nezvigaro mazana matatu nezvitanhatu, kana kuti 306, zvakawanda kudarika mazana maviri nemakumi manomwe, kana kuti 270, zvinodiwa kuti munhu anzi ndiye akunda musarudzo, zvichienzaniswa nezvakawanikwa naVaTrump zvinosvika mazana maviri nemakumi matatu nezviviri, kana kuti 232.

VaBiden vari kutungamirawo VaTrump nemavhoti anodarika mamiriyoni matanhatu pakuve munhu akafarirwa nevanhu vakawanda kana kuti popular votes.

VaTrump nevabatsiri vavo vari kuzama nepose pavanogona kuti zvakabuda musarudzo mumatunhu akakosha zvishandurwe vachishandisa matare edimhosva kana kuedza kumanikidza vatungamiri vematunhu kuti vapindire, asi izvi zviri kuramba, izvo zvavasiya vasisina pekubatirira.

MuAmerica, munhu anoita mutungamiri wenyika ndokunge chete awana mavhoti akawandisa kubva kuvanodomwa nematunhu ava, kana kuti Electoral College, kwete nekuti awana mavhoti akawandisa musarudzo inovhotwa everuzhinji.

Vanovhota ava, kana kuti maElectors, vanodomwa nematunhu ose emuAmerica ari makumi mashanu pamwechete nedunhu reDistrict of Columbia, kana kuti D.C., kuti ave matunhu makumi mashanu nerimwe.

Vanodomwa zvichienderana nehuwandu hwevanhu mumatunhu aya, uye vanenge vari nhengo dzebato dzinenge dzazvipira kutsigira anenge akamirira bato musarudzo kana achinge akunda musarudzo inovhotwa neveruzhinji vemudunhu ravo.

Zvinhu Zvoramba Zvakaita Manyama Amire neRongo muAmerica

Zvinhu zvoramba zvakaita manyama amire nerongo muAmerica zvichitevera kutsika madziro kuri kuita mutungamiri wenyika iyi, VaDonald Trump, avo vari kuramba kutambira kuti VaJoe Biden ndivo vakakunda musarudzo yemutungamiri wenyika.

Nyanzvi munyaya dzezve matongerwo enyika, muzvinafundo Doctor Moses Rumano, vanoti zviri kuitika izvi zvinoita kuti america ishaye rukodzo pasi rose.

VaRumano vanoti vanoona zvichigadzirisika musi wekugadzwa kwaVaBiden usati wasvika sezvo America iine mitemo inokwanisa kushandiswa kuitira kuti masimba atambidzwane zviri pamutemo.

"Kunyange hazvo tiri kuwona vaviri ava vachitatsura panyaya yekutambidzanwa kwemasimba bumbiro remitemo emuno muAmerica ndiro richashandiswa sezvo muno mune hutongi hwejechetere zvinoita kuti VaJoe Biden vagadzwe musi wa Ndira 20, gore rinouya pasina dambudziko," Doctor Rumano vadaro.

please wait

No media source currently available

0:00 0:02:19 0:00
Pekupinda Napo Kuti Muone Zvamuri Kuda


Kutambidzana kweMasimba Konetsa muAmerica

Trump Biden Mask

Nyanzvi munyaya dzezvehutano dzinoti kusatambidzanwa kwemasimba nechimbi chimbi kuri kuitika muAmerica pakati pemutungamiri wenyika pari zvino, VaDonald Trump ve Republican Party, pamwe nevakasarudzwa semutungamiri mutsva, VaJoe Biden veDemocratic Party, kuri kushamisa veruzhinji pasi rose.

Nyanzvi idzi dzinotiwo kushaikwa kwemushandira pamwe uku kunokwanisa kuwedzera kwehundu hwevanhu vari kubatwa nechirwere checovid-19 munyika iyi sezvo pasina hurongwa hwakajeka pakutambidzanwa kwemasimba.

Hurumende yaVaTrump haisati yatambira zviri pamutemo kuti Va Biden ndivo vakakunda musarudzo yemutungamiri wenyika, uye ivo VaTrump pachavo, vakatokwidza mumatare kupikisa kwavo zviri kubuda mumavhoti ari kuverengwa mumatunhu akasiyana siyana vachiti zvinhu hazvina kufambiswa negwara rinotarisirwa.

Gakava rekutambidzana masimba iri riri kuitika panguva iyo huwandu hwevanhu vari kubatwa nechirwere cheCovid-19 hwuri kuramba huchikwira muAmerica.

Kunyange hazvo VaBiden vakatodoma chikwata chavo chiri kufambisa nyaya dze Covid-19, dambudziko riripo nderekuti chikwata chaVa Biden ichi, chinofanirwa kupangana mazano nevakuru vakuru vezvehutano muhurumende ye America, izvo zvisati zvaitika sezvo bazi re General Services Administration risati ratambidza chikwata chaVa Biden svumbunuro dzekushandisa mahofisi ehurumende, pamwe nekupihwa mari inosvika mamiriyoni gumi emadhora.

VaBiden vanofanirwa kudoma vanhu vanosvika zviuru zvina vachange vachitungamira mapazi ehurumende pamwe nekuva nezvinzvimbo zvepamusoro soro.

Pavanhu ava, chiuru chimwe chete nemazana maviri nemakumi mashanu, vanhu vanofanirwa kutambirwa nedare re Senate kuti vatore zvigaro zvepamusoro muhurumende.

VaBiden vari kutarisirwa kutora mhiko yekuva mutungamiri mutsva musi wa Ndira 20, 2021.

Imwe nyanzvi munyaya dzehutano pamwe nezvematongerwo enyika, Dr Simbiso Ranga, vanoti kunonoka kutambidzana masimba kuri kuitika kuchaita kuti dambidzo reCovid-19 riremera America zvikuru.

please wait

No media source currently available

0:00 0:02:52 0:00
Pekupinda Napo Kuti Muone Zvamuri Kuda


VaTrump Votemesa Vakawanda Musoro neKuramba Kutambira Sarudzo

VaJoe Biden naVaDonald Trump

Mutungamiri wenyika yeAmerica VaDonald Trump nemusi weSvondo vanenge vakatenda kekutanga kuti mutungamiri webato remaDemocrats VaJoe Biden ndivo vakakunda musarudzo dzemusi wa 3 Mbudzi kunyangwe havo vari kuti havasi kutambira zvakabuda musarudzo.

VaTrump vakanyora mashoko avo pandemutande ravo reTwitter asi hapana kana humbowo hwavari kupa hwekuti sei vari kuti sarudzo hadzina kufambiswa zvakanaka.

Kunyangwe VaTrump vakaendesa nyaya dzimwe kumatare vachiti sarudzo hadzina kufambiswa zvakanaka, zhinji dzacho dzakaraswa nematare nenyaya yekushaya humbowo.

Vari kutungamira mabasa muhurumende iri kuuya yaVaBiden, VaRon Klan vanoti zviri kutaurwa naVaTrump hazvina nematuro ose uye hazvikanganise vaBiden kutungamira nyika.

Vanoongorora nyaya dzezvematongerwo enyika Doctor Gadziro Gwekwerere, vanoti zviri kuitika izvi zvinoshaisa nyika yeAmerica chiremera pasi rose uye zvino fanirwa kugadziriswa nechimbi chimbi.

please wait

No media source currently available

0:00 0:02:03 0:00
Pekupinda Napo Kuti Muone Zvamuri Kuda



Chimwe Chizvarwa cheAmerica Chakambo Gara kuZimbabwe Chofadzwa Nekukunda kwaVa Joe Biden Vebato Rema Democrats.

Chimwe Chizvarwa cheAmerica Chakambo Gara kuZimbabwe Chofadzwa Nekukunda kwaVa Joe Biden Vebato Rema Democrats.
please wait

No media source currently available

0:00 0:04:37 0:00

Rodhai zvimwe

XS
SM
MD
LG