Sangano reTajamuka/Sesijikile Rinosvitsa Gwaro reNyunyuto kuMutungamiri weNyika

Sangano reTajamuka/Sesijikile nhasi rasvitsa tsamba dzenyunyuto kuhofisi yemutungamiri wenyika, VaEmmerson Mnangagwa, pamwe nekumunyori wedare reparamende richikurudzira kuti hurumende igadzirise zvinhu nekukasika.

Munyori anoona nezvekurongwa kwemabasa musangano iri, VaTineyi Munetsi, vanoti vapa mutungamiri wenyika mazuva manomwe chete ekuti vagadzirise zvinhu munyaya dzezvehupfumi zviri kusunga nyika, kukundikana kwavo vanhu vomira kuenda kumabasa vachigara kudzimba dzavo senzira yekuratidzira murunyararo.

VaMunetsi vanoti zviri mugwaro ravo renyunyuto zvinosanganisira nyaya yemitengo yezvinhu, iyo vanoti iri kungokwira zvisina tsarukano, nyaya yekuti vashandi vari kukundikana kuwedzerwa mari dzemihoro, uye kushaikwa kwemafuta edzimotokari munyika.

Vanoti magwaro avo atambirwa kwese kuparamende nekuhofisi yemutungamiri wenyika, kunyange hazvo nhengo yavo yaenda kuhofisi yemutungamiri wenyika yambochengetedzwa kwenguva ingada kusvika awa imwe chete nevanochengetedza mahofisi emutungamiri wenyika ichibvunzisiswa nezvegwaro ravo iri, asi yazoregwa ichienda.

Studio7 haina kukwanisa kunzwa kana VaMnangagwa vakwanisa kuona gwaro rasiiwa kuhofisi kwavo iri sezvo takundikana kubata mutauriri wavo, VaGeorge Charamba.

Embed share

Hurukuro naVaTineyi Munetsi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:28 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player