WASHINGTON D.C. —
Chikwata chemaWarriors charasa mukana wekuti chipinde mumafainari eAfrica Cup of Nations mushure mekurohwa 1-0 neLiberia mumutambo watambirwa kunhandare yeSamuel Doe kuMonrovia kwakare kuLiberia manheru eSvondo.
Zimbabweyanga ichingoda kuita mangange chete neLiberia kuti ibudirire, asi iyo yazopedzisira yorohwa nechibodzwa chimwechete, izvo zvakanda tarisiro yeruzhinji rwunotevera nhabvu mudondo.
Izvi zvasiya Zimbabwe yave pamusoro pegungano re Group G iri nepindi imwe chete pamusoro peLiberia iyo yave nemapoinzi manomwe.
Mune mumwe mutambo weGroup G, DRC neCongo dzaita mangange 1-1.
Zimbabwe ichasangana neCongo mumutambo wayo wekupedzisira, uyo uchange uchinongedza pachasara pamire chikwata chemaWarriors mumakwikwi eAfrica Cup of Nations aya.
Facebook Forum