Accessibility links

Breaking News

Hurumende Inoti Zvikoro Zvakakanganiswa neCyclone Idai Zvichavhurwa neChipiri


Gurukota rezvekuburitswa kwemashoko, Amai Monica Mutsvangwa.
Gurukota rezvekuburitswa kwemashoko, Amai Monica Mutsvangwa.

Hurumende inoti zvikoro zvizhinji pazvikoro zvakakanganiswa nedutumupengo reCyclone Idai mumatunhu eChimanimani neChipinge kuManicaland zvichavhurwa pamwechete nezvimwe zvikoro neChipiri svondo rinouya sezvo zvakagadziriswa.

Gurukota rezvekuburitswa kwemashoko, Amai Monica Mutsvangwa vanoti zvikoro zvishoma zvakakanganiswa zvakanyanya zvakaita seCharles Luangwa ndizvo zvichatamiswa zvichiendeswa kune dzimwe nzvimbo.

Amai Mutsvangwa vanoti basa guru riri kuitwa muzvikoro rinosanganisira kugadziriswa kwezvimbuzi nezvivakwa, vachitendawo vemakambani vavanoti vakazvipira mukubatsirana nehurumende mukuona kuti zvikoro izvi zvakagadziriswa.

Hurukuro naAmai Monica Mutsvangwa
please wait

No media source currently available

0:00 0:02:23 0:00
Pekupinda Napo Kuti Muone Zvamuri Kuda

Asi munyori werimwe sangano revarairidzi, reProgressive Teachers’ Union of Zimbabwe, VaRaymond Majongwe, vanoti chakakosha panyaya iyi hakusi kungovhurwa kwezvikoro sezvo paine zvakawanda kwazvo zvinoda kutanga zvaitwa, zvinosanganisira kubatsirwa kwevarairidzi nevana vechikoro kuti vatambire dambudziko iri.

Hurukuro naVaRaymond Majongwe
please wait

No media source currently available

0:00 0:02:36 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG