Mutumbi waReverend Mawokomatanda Unosvika kuZimbabwe Uchitarisirwa Kuradzikwa neChishanu

Mutumbi waMufundisi Isaac Mapipi Mawokomatanda veUnited Methodist Church, avo vakashaya musi wa 27 Kukadzi kuAtlanta mudunhu reGeorgia muAmerica, wasvika kumusha neChitatu masikati uchizotarisirwa kuradzikwa nemusi weChishanu kumarinda eOld Mutare.

Mutauriri wemhuri, vari mwanakomana waMufundisi Mawokomatanda, VaShongedzai Mawokomatanda, vanoti mutumbi waReverend wakaperekedzwa nemudzimai wavo, Amai Mawokomatanda.

Amai Mawokomatanda vasangana panhandare yendege yeRobert Gabriel Mugabe International Airport nemwanakomana wavo mukuru, VaSamuel Mawokomatanda, avo vabvawo kuBritain vachienda kumusha kunoradzika baba vavo.

Mutumbi unonzi ucharara kuimba yerunyararo yeNyaradzo Funeral Home muHarare Chitatu neChina, uchizotakurwa mangwanani eChishanu kuenda kwaMutare.

Mukuru wekereke yeUnited Methodist Church, Bishop Eben Kanukayi Nhiwatiwa, ndivo vanotarisirwa kutungamira rusando rwemusi weChishanu.

VaShongedzai Mawokomatanda vanoti semhuri vacharangarira baba vavo kuburikidza nerudo rwavaive narwo kumhuri yavo, vachiti vaive munhu aifarira kubika vachibatsirana nevaroora vavo.

Mufundisi Mawokomatanda vakashaya mushure mekurwara kwenguva ndefu. Vakasiya mudzimai nevana vapfumbamwe, uye vazukuru nevazukurubvi vakawanda.

Mutauriri wemhuri anoti semhuri vakasarudza musi wa 09 Kubvumbi sezuva rekuradzikwa kwavo sezvo riri zuva rakashayawo dangwe ravo, Amai Victoria Mbewe.

Embed share

Hurukuro naVaShongedzai Mawokomatanda

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:39 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player