Accessibility links

Breaking News

Zvechitendero

“N’ganga Hadzisi Muhurongwa HwaMwari” - Mufundisi Oliver Mandisodza

Reverend Oliver Mandisodza
Reverend Oliver Mandisodza

Mutereri weZveChitendero, Clever Chokuda, anoti kazhinji achiona n’anga dzichirapa munhu arumwa nenyoka nekuti chipatara chinenge chiri kure.

Chokuda anoti akaona n’anga dzichirapa vanhu vakange varasika pfungwa, naizvozvo anoda kunzwisisa kuti sei vemaKereke vachituka nekuseka n’anga, vachiti n’anga dzinoshandiswa nemweya yetsvina asi, nedzimwe nguva, n’anga idzi dzichibatsira vanhu zvatinoona nemaziso edu.

Reverend Oliver Mandisodza vanoti mhinduro kumubvunzo uyu, dzizere muBhaibheri, semuna Revitico 19:26-31, nemamwe mabhuku.

Mufundisi Mandisodza vanoti, n’anga hadzisi muhurongwa hwaMwari.

please wait

No media source currently available

0:00 0:08:13 0:00
Pekupinda Napo Kuti Muone Zvamuri Kuda

See all News Updates of the Day

'Kutambudzika Kwe Panyika Kunoda Kuti Tive Nehukama naMwari'

Rev Oliver Mandisodza
Rev Oliver Mandisodza

Umwe mutereri wechirongwa che Zvechitendero, kana kuti ‘Religious Forum”, anoti zvinomunetsa zvikuru kuti seyi vanhu vachitambura pasi pano asi ivo vachinamata nesimba uye nemwoyo yavo yese.

Mumhinduro netsananguro yavo, Mufundisi Oliver Mandisodza vanoti kana tasangana nematambudziko tinofanira kuzvininipisa pamberi paMwari, Vanopa mufananidzo waJob uyo asina kushora Mwari mukunetseka kwake kwose.

“Kana tasangana nematambudziko, tinofanirwa kuzvininipisa mberi kwa Mwari,” vanodaro Mufundisi Mandisodza.

Zvizvarwa zveZimbabwe Zvotarisirwa Kusangana kuWest Virginia muAmerica kuMusangano we African Apostolic Faith Inotungamirwa naVa Mwazha

Mufundisi Moira Mugobogobo
Mufundisi Moira Mugobogobo

Mufundisi Moira Mugobogobo, vekereke yeAfrican Apostolic Faith inotungamirwa naBishop Mwazha, vanoti vachange vane musangano mukuru uchatanga Chishanu paPotomac Christian Center iri mudunhu reWest Virginia muno muAmerica, apo parikutarisirwa zvizvarwa zveZimbabwe zvinobva pasi rose.

Mufundisi Mugobogobo vanoti gungano iri richange richinamatira vana veZimbabwe mune zvese zvinovashungurudza uye vachange vachinamatirawo nyika iyo yakatarisana nesarudzo gore rino.

Vanoti gungano iri rinenge risineyi nezvematongerwo enyika asi rinenge richinatira vese vachange vari musarudzo, uye pachange pane mabhishopu anobva kune dzimwe nyika, vachitarisira kuti vachakwanisa kuenda vachakomborerwa.

"Tiri kutarisira kuti vana veZimbabwe vanobva kunzvimbo dzakawanda pasi rose vawane mukana wekunyengetera nekuwadzana vari pamwechete vachitungamirwa muminamato nevafundisi vazhinji vachinamata pamwechete," Mufundisi Magobogobo vaudza Studio7.

"Takatarisira kuti zvizvarwa zveZimbabwe zvizhinji zvichabuda kubva musi weChishanu kusvika musi weSvondo kuti tibatane pamunamato wekunamatira zvatinosangana nazvo muhupenyu kure nenyika yechizvarwa," Mufundisi Mugobogobo vaenderera mberi.

Vanoti kereke yavo ichange ichibatsira vanenge vasina chekufambisa kuti vakwanise kusvika kuPotomac Christian Center, iri kuWest Virginia.

please wait

No media source currently available

0:00 0:02:31 0:00
Pekupinda Napo Kuti Muone Zvamuri Kuda

"Vanhu Vangaziva Seyi Kuti Mwari Arikutaura Navo?"

Reverend Rebecca Makayi
Reverend Rebecca Makayi

Svondo rino, Mufundisi Rebecca Makayi, vekereke yePraise Covenant International Church, vanotsanangura nzira dzinoshandiswa naMwari mukutaura nesu, vachitsananguravo nzira dzekuti umwe neumwe wedu azive panguva iyo Mwari anenge achitaura naye.

please wait

No media source currently available

0:00 0:06:09 0:00
Pekupinda Napo Kuti Muone Zvamuri Kuda

Fananidzo yeMbeu Yakanaka neMasawi Inorondedzerwa

Reverend David Simango
Reverend David Simango

Mufundisi Doctor David Simango vanorondedzera pamusoro pechidzidzo chakataurwa naJesu Kristu pamusoro pembeu yakanaka nemashawi, paaitaura pamusoro pehumambo hwekudenga sezviri mubhuku raMatthew, Chapter 13.

please wait

No media source currently available

0:00 0:07:25 0:00
Pekupinda Napo Kuti Muone Zvamuri Kuda

Zvizvarwa zveZimbabwe Pasi Rose Zvokokwa kuMunamato Wekutanga Goredzva paZoom

Rev Ever Mudambanuki
Rev Ever Mudambanuki

Mufundisi Ever Mudambanuki vekereke yeMethodist vane munamato wavari kuita pamadandemuta unounganidza vatendi kubva kumakereke akasiyana siyana pasi rose kubva musi weSvondo Ndira 2 kusvika Ndira 9 gore rinouya.

Reverend Mudambanuki vanoti zvakakosha kuti veruzhinji vatange goredzva vachirumbidza Mwari. Vanoti vachange vane zvidzidzo kubva kune vafundisi vakasiyana siyana padandemutande reZoom uye vari kutarisira kuti vanhu vazhinji vachapinda muhuromgwa hwavo uhu.

"Tiri kutarisira kuti zvizvarwa zveZimbabwe pasi rose zvichapinda muzvidzidzo izvi zvichange zvichiitwa pachena padandemutande reZoom. Zvakakosha kuti gore ritange vanhu vachirumbidza Mwari sezvo zvichizobatsira kupa hwaro rwemafambiro achaita gore idzva ra2022," Reverend Mudambanuki vaudza Studio7

please wait

No media source currently available

0:00 0:03:35 0:00
Pekupinda Napo Kuti Muone Zvamuri Kuda


Rodhai zvimwe

XS
SM
MD
LG