Pove neMaonero Akasiyana paDanho reZanu PF Rekudzinga Vakafumura Huwori

Danho rakatorwa nebato reZanu PF rekumisa nhengo nhatu dzeboka revechidiki kuve nezvigaro mubato kwemwedzi gumi nemiviri mushure mekufumura howuri, rinonzi nevamwe rinoita serinodzivirira vari kuita huwori richiomesera vanenge vafumura huwori.

Vechidiki vatatu vakamiswa basa ndevaive mutungamiri vevechidiki, VaPupurai Togarepi, mutevedzeri wavo, VaLewis Matutu, pamwe naVaGodfrey Tsenengamu, avo vaive munyori anoona nezvegwara remusangano.

Vachidiki ava vanonzi nebato reZanu PF vakarasa hunhu mushure vekunge vadoma VaKudakwashe Tagwireyi, vanove mukuru weSakunda Holdings, VaBilly Rautenbach veGreen Fuel, pamwe naVaTafadzwa Musarara, vanove sachigaro veGrain Millers Association of Zimbabwe, sevanhu vari kuita huwori hwakanyanya munyika.

Vanoongorora zvematongerwo enyika, uye vari mukuru weCentre for Natural Resource Governance, VaFarai Maguwu, vanoti zvakaitwa nebato riri kutonga izvi zvinorisiya pakaipa, sezvo richiita serinopanicha vechidiki vakafumura huwori huri kuitwa nevanhu vanonzi vanodyidzana neZanu PF.

Asi mumwe wevechidiki muZanu PF vachiongorora zvematongerwo enyika, VaTafadzwa Mugwadi, vanoti vaive vatungamiri veboka revechidiki vatatu ava vaikodzera kudzingwa mubato sezvo vakashandisa nzira dziri kunze kwemusangano mukufumura kwavakaita vanamuzvinabhizimusi vatatu vavanoti vari kuita zvehuwori.

Embed share

Hurukuro naVaFarai Maguwu pamwe naVaTafadzwa Mugwadi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:30 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player