Mamwe Mapato Anoti Akagadzirira Kare Sarudzo dzeGore Rino

Mamwe mapato ezvematongerwo enyika anoti haana kushamisika nekutarwa kwakaitwa zuva ra 30 Chikunguru 2018 sezuva richaitwa sarudzo dzose dzemunyika, achiti akagara achitevera mumbiro remitemo, iro rinoti sarudzo dzinofanirwa kuitwa pakati pemusi wa 21 Chikunguru na 22 Nyamavhuvhu 2018.

Asi mapato aya anotiwo VaMnangagwa vaifanirwa kuzozivisa nezvezuva resarudzo zvose zvinofanirwa kugadziriswa mumutemo wesarudzo zvagadziriswa, uye Zimbabwe Electoral Commission, ZEC, yatanga yaburitsa gwaro revavhoti.

Vachizivisa nezvezuva resarudzo iri, VaMnangagwa vatiwo izvi zvave kureva kuti mapato achapinda musarudzo asununguka kuchitsvaga rutsigiro sezvo nguva yekutsvaga rutsigiro yaparurwa.

Munyori mukuru mubato rePeople's Democratic arty inotungamirirwa naVaTendai Biti, VaSettlement Chikwinya, vanoti bato ravo rakagara rakanongedzwa kwekuenda nebumbiro remitemo yenyika, iro rinoti sarudzo dzinofanirwa kuitwa pakati pa 21 Chikunguru na22 Nyamavhuvhu gore rino.

Asi VaChikwinya vanotiwo nyaya yekuti ZEC izivise kuchadhindirwa magwaro ekuvhotesa ndeimwe yenyaya dzinofanirwa kutanga dzagadziriswa sarudzo dzisati dzaitwa.

Mutevedzeri wemutungamiri weMDC-T inotungamirirwa naMuzvare Thokozani Khupe, VaObert Gutu, vanoti kunyange hazvo vari kutambira kutarwa kwezuva resarudzo, vanoona sekunge VaMnangagwa vakamhanya zvishoma nekuti vaifanirwa kuzozivisa zuva iri mushure mekunge gwaro revavhoti raburitswa neZEC.

Embed share

Hurukuro naVaObert Gutu pamwe naVaSettlement Chikwinya

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:04:11 0:00

Pekupinda Napo Kuti Muone Zvamuri Kuda

• 48 kbps | MP3
• 16 kbps | MP3
• 32 kbps | MP3

Pop-out player