Mutungamiri weMDC Alliance, VaNelson Chamisa, vasangana nemumiriri weAmerica muZimbabwe, VaBrian Nichols, vakakurukura zvinhu zvakati wandeyi.
Vaviri ava vakurukura nezvesarudzo dzichangobva kuitwa, nyaya dzekodzero dzevanhu pamwe nemamiriro akaita zvinhu muZimbabwe.
Mutauriri waVaChamisa, VaNkululeko Sibanda, vanoti VaChamisa vafadzwa zvikuru nemukana uyu sezvo vakwanisa kukurukura nezviri kuitika muZimbabwe.
Musangano uyu unouya mushure mekunge VaNichols vasangana neChitatu nemutungamiri wenyika uye vakamirira Zanu PFmusarudzo yemutungamiri wenyika, VaEmmerson Mnangagwa, vachizeyawo mamiriro akaita zvinhu munyika.
VaChamisa vari kupikisa kukunda kwaVaMnangagwa musarudzo yemutungamiri wenyika, uye dare repamusorosoro riri kutarisirwa kunzwa nyaya yavo musi wa 22 Nyamavhuvhu.
Facebook Forum