Accessibility links

Breaking News

Bato reMDC Inotungamirirwa naMuzvinafundo Ncube Rinobuda muCODE


Muzvinafundo Welshman Ncube vakapinda mumubatanidzwa naVaMorgan Tsvangirai
Muzvinafundo Welshman Ncube vakapinda mumubatanidzwa naVaMorgan Tsvangirai

Bato reMDC inotungamirirwa naMuzvinafundo Welshman Ncube nemusi weChina rakabuda mumubatanidzwa wemapato anopikisa weCoalition of Democrats, kana kuti CODE, zvichitevera chisungo chakaitwa nedare remusangano uyu reNational Council.

Mutauriri weMDC, VaKurauone Chihwayi vanoti National Council yebato ravo yakasunga kuti MDC ipinde mumubatanidzwa mutsva weMDC Alliance, uye kuti bato iri ribude muCODE.

Varambawo mashoko ari kutenderera ekuti bato ravo rakaita zvekudzingwa mumubatanidzwa uyu nezvikonzero zvekuti rakapinda muMDC Alliance.

VaChihwayi vanoti neMuvhuro svondo rino bato ravo rakasvitsa gwaro rekubuda mumubatanidzwa uyu kuna sachigaro weCODE mumwedzi uno, VaTendai Biti, vanove mutungamiri webato rePeople’s Democratic Party kana kuti PDP.

VaBiti vatenda kuti vakatambira gwaro rekubuda kweMDC mumubatanidzwa wavo, vakatiwo vakatambira kubuda kwebato iri.

Vatiwo kubuda kweMDC uku hakuna zvakunokanganisa mubatanidzwa wavo.

Hurukuro naVaKurauone Chihwayi
please wait

No media source currently available

0:00 0:02:55 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG