Harare Inorerutsira Vagari Zvichitevera Kuvhura Hofisi paSam Levy Village

Kanzuru yeguta reHarare inonzi yakavhura hofisi yechizvinozvino yekuti vagari vabhadhare mitero yavo zvisina dambudziko panzvimbo yemabhizimusi yeSam Levy mumusha weBorrowdale.

Mutauriri wekanzuru, VaMichael Chideme, vanoti hofisi yavo itsva iyi inoita kuti vanhu vakwanise kushandisa dandemutande sezvo iine wi-fi.

VaChideme vanoti kanzuru yavo yakavhurawo nzira itsva inoita kuti vagari vabhadhare mitero yavo kana zvikwereti zvavo vari kana kunze kwenyika chaiko vachishandisa internet pachirongwa chavo chinonzi Pay-Now.

Vanoti izvi zvose zviri pasi pehurongwa hwekanzuru yavo hwekuti vagari varerukirwe nekuita bhizinesi nekanzuru vari chero kwavanenge vari.

Kanzuru yakavandudza mahofisi ayo ematunhu kuti vagari varerkuirwe nekubhadhara mitero yavo uye VaChideme vanoti vari kutarisira kuvhura mahofisi akawanda echizvinozvino.

Embed share

Hurukuro naVaMichael Chideme

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:27 0:00

Pekupinda Napo Kuti Muone Zvamuri Kuda

• 32 kbps | MP3
• 48 kbps | MP3
• 16 kbps | MP3

Pop-out player