Accessibility links

Breaking News

MDC-T Inoti VaTsvangirai Havasi Kuita Nhaurirano naVaMnangagwa


VaMorgan Tsvangirai

Bato reMDC inotungamirirwa naVaMorgan Tsvangirai rinoti manyepo ari kubuda mumapepanhau nemumadandemutande ekuti mutungamiri waro VaTsvangirai vari kuita nhaurirano nerweseri nemutungamiri wenyika mutsva, VaEmmerson Mnangagwa, dzekuumba hurumende yemubatanidzwa.

Mumashoko avatumira kuvatori venhau, mutauriri weMDC-T, VaObert Gutu, vanoti hapana nhaurirano dzine makomborero ebato ravo dziri kuitwa naVaTsvangirai, kana nani zvake achimirira bato ravo.

VaGutu vanoti pane nhaurirano dzinogona kunge dziri kuitika pakati penhengo dzeMDC-T nenhengo dzeZanu PF dziri kunze kwebato ravo, dzisineyi nechekuita naVaTsvangirai.

Vanoti pari zvino bato ravo rakanangana nekukurudzira kuti vanhu vaende kunonyoresa kuvhota pasi pechirongwa cheBiometric Voter Registration chiri kutungamirwa neZimbabwe Electoral Commission, ZEC.

Hurukuro naVaObert Gutu
please wait
Embed

No media source currently available

0:00 0:03:13 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG