Accessibility links

Breaking News

MDC Yoita neChishanu Musangano weNational Council


Douglas Mwonzora, the Movement for Democratic Change Alliance Secretary General says the swearing in does not finalize the political dispute and wants the African Union to break Zimbabwe’s political stalemate or his party will embark on nationwide protest
Douglas Mwonzora, the Movement for Democratic Change Alliance Secretary General says the swearing in does not finalize the political dispute and wants the African Union to break Zimbabwe’s political stalemate or his party will embark on nationwide protest

Bato reMDC inotungamirirwa naVaNelson Chamisa riri kuita musangano waro wekutanga weNational Council neChishanu muHarare.

Musangano uyo uri kutarisirwa kuzeya nzira dzekuita nadzo misangano yekongiresi kubva kumatunhu maduku kusvika kumusangano mukuru wenyika yose.

Pari zvino MDC ine matunhu gumi nemaviri munyika, uye mamwe matunhu ari kunze kwenyika anoti United Kingdom, South Africa neNorth America.

Munyori mukuru weMDC, VaDouglas Mwonzora, vanoti musangano wavo ndiwo zvakare uchabuda nezuva rekuitwa kwemusangano mukuru wekongiresi, uyo uri kutarisirwa kuitwa gore rino.

Hutungamiri hwebato iri mumatunhu akawanda hunonzi hwatotanga kusoserana nzira hwuchiedza kuvharirana kunze, zvikuru pakusarudza vanhu vachakwikwidzana nemutungamiri webato iri, VaChamisa.

Munyori anoona nezvekurongwa kwemisangano mubato iri, VaAmos Chibaya, vakaburitswa mumapepanhau vachiti VaChamisa hapana achavakwikwidza pakongiresi.

Asi VaMwonzora vanoti bato ravo harisati rabuda nenzira dzichateverwa pakudoma mazita evanhu vachakwikwidzana muzvigaro zvakasiyanasiyana, vachiti izvi zvinoitika chete mushure memusangano uyu.

VaMwonzora, avo vanova gweta, vanoti bumbiro remitemo yebato rinobvumidza munhu wese anenge adomwa kukwikwidza chinzvimbo chaanenge adomerwa nematunhu.

Mutemo webato unoti munhu wese anenge adomwa nedunhu rimwe chete zvichikwira, ane kodzero yekukwikwidza.

Hurukuro naVaDouglas Mwonzora
please wait

No media source currently available

0:00 0:03:07 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG