Mutungamiri weMDC Alliance, VaChamisa, Vanocherechedza Zuva reKudyara Miti Vari kuGoromonzi South

Mutungamiri webato rinopikisa reMDC Alliance, VaNelson Chamisa, neChishanu vadyara miti kuGoromonzi South senzira yekucherechedza zuva rekudyarwa kwemiti munyika, reNational Tree Day.

Zuva iri rinocherechedzwa Mugovera wekutanga mumwedzi waZvita gore roga roga kubva muna 1980.

Mutewedzeri wemutauriri weMDC Alliance, VaClifford Hlatywayo, vanoti VaChamisa vabatana nehutungamiri hwebato ravo hwepamusoro pamwe nevamwe vagari vemudunhu iri muchiitiko ichi, uye vanoti kwadyarwa miti yakawanda.

Studio 7 yaedza kubata gurukota rezvekuburitswa kwemashoko, Amai Monica Mutsvangwa, parunhare kuti tinzwe kana paine zvirongwa zvehurumende zvakanangana nezuva rekudyara miti iri, asi vati tiite zvekuvatumira mibvunzo yedu sezvo vanga vari mumusangano.

Asi pataenda pamhepo Amai Mutsvangwa vanga vasati vapindura mibvunzo yedu.

Asi nemusi weChina mauto eZimbabwe National Army akabatana nebazi reForerstry Commission mukudyara muti wemuuyu kuDzivaresekwa muHarare, senzira yekucherechedza zuva iri.

Embed share

Hurukuro naVaClifford Hlatywayo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:22 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player