Accessibility links

Breaking News

Mutungamiri weNyika VaMnangagwa Vanosiira Zororo Panzira


Mutungamiri wenyika VaEmmerson Mnangagwa

Mutungamiri wenyika VaEmmerson Mnangagwa neChipiri vakazivisa kuti vakange vave kusiira zororo ravo panzira vachidzokera kubasa kuti vabatsire mutevedzeri wavo VaConstantino Chivenga panyaya yekuramwa mabasa kwavana chiremba.

Bazi rezvekuburitswa kwemashoko rakaburitsa mashoko padandemutande reTwitter ekuti VaMnangagwa vakanga vave kudzokera kubasa kuti vabatsirane nemutevedzeri vavo mukugadzirisa zvinhu muboka rezvehutano izvo zvaita manyama amire nerongo.

Hurumende yakanga yapa VaChiwenga basa rekuti vagadzirise makakatanwa ari pakati peboka rezvehutano, reHealth Services Board navanachiremba vari kuramwa mabasa.

Asi mukuratidza kuti zvinhu zvakanga zvisiri kufamba sezvaitarisirwa munhaurirano idzi, Health Services Board yakatomisa vanachiremba ava mabasa, ukuwo vamwe vashandi vari pakuramwa mabasa vachinyimwa mihoro yavo yemuna Zvita 2018.

Vanachiremba neChipiri vakapinda mumazuva makumi matatu nemaviri vachiramwa mabasa vachida kuti hurumende igadzirise zvinhu muzvipatara pamwe nemihoro yavo.

Nyanzvi mune zvehutano uye vari nhengo yeZanu PF mumuAmerica, Doctor Frenk Guni, vanoti vanoona sekunge danho rakatorwa naVaMnangagwa iri rakakosha mukugadzirisa makakatanwa aya kuti zvinhu zvidzoke pakugadzikana mune zvehutano.

Asi vamwe vanoona nezvematongerwo enyika vanoti zvaita izvi zvinoratidza kuti VaMnangagwa vakanga vasisina chivimbo naVaChiwenga chekuti vangagadzirisa zvinhu.

please wait

No media source currently available

0:00 0:02:29 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG