Murwiri weKodzero dzeVanhu, Mushakabvu VaDewa Mavhinga, Vorangarirwa neMunamato neMugovera

Vaive murwriri wekodzero dzevanhu uye vaive mukuru weHuman Rights Watch kuchamhembe kweAfrica, mushakabvu VaDewa Mavhinga, vari kurangarirwa kuburikidza nemunamato wepadandemutande uchatungamirwa nekereke yeMethodist Church in Zimbabwe ku Britain neMugovera 22 Ndira, 2022.

Munin’ina waVaMavhinga, Dr. Edgar Munatsi, vanoti munamato uyu uchaitwa padandemutande kubva nenguva dza2:00 masikati nguva dzekwakare ku Britain, idzo dzinenge dziri nguva dza 4:00 masikati kuZimbabwe, uye uchange uchatungamirwa naChaplain Reverend Doctor Dube.

Dr. Munatsi vanoti munamato uyu ndewe kususukidza mweya waVaMavhinga uye hausi kubatanidzwa nenyaradzo kwete.

Vanoti nyaradzo ichaziviswa mazuva aichaitwa uye ichange ichizotungamirwa nemhuri kumusha kuHwirisha kunove kwakaradzikwa VaMavhinga.

Vanoda kupindawo mumunamato uyu vanonzi vanokwanisa kushandisa nhamba dzekupindisa mu ZOOM dzinoti 858 6685 6175, svombonoro yacho kana kuti PASSWORD iri dewa mumavara madiki kana kuti lowercase uye munamato uyu achange uchiburitswawo zvakare paFacebook.

VaMavhinga vakashaya musi wa 04 Zvita, 2021, vari kuSouth Africa vava nemakore makumi mana nemaviri ekuberekwa.

Embed share

Hurukuro naDr. Edgar Munatsi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:47 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player