VaChombo Votarisira Kumiswa paMberi peDare Nhasi

Gurukota rinoona nezvemari Doctor Ignatious Chombo avo vakapambwa kumba kwavo nemauto nemusi weChitatu vanonzi vari kutarisira kumiswa pamberi pedare ramajastiriti muHarare nhasi.

Gweta raVaChombo, Muzvinafundo Lovemoe Madhuku vanoti VaChombo vakarohwa vari muhusungwa uye vaigara vakasungwa kumeso.

Embed share

Hurukuro naMuzvinafundo Lovemore Madhuku

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:35 0:00

Pekupinda Napo Kuti Muone Zvamuri Kuda

• 32 kbps | MP3
• 48 kbps | MP3
• 16 kbps | MP3

Pop-out player

VaChombo vari kupomerwa mhosva yekuba mari kuRBZ uye kuita zvehuori vari gurukota rezvematunhu zvikuru panyaya yenzvimbo dzekuvakira dzimba kana kuti mastands. Vanonzi pavakatorwa nemauto vakamanikidzwa kumhanya kubva pamba pavo vachienda painge pakahwanda motokari yemauto husiku.

VaMadhuku vaudza Studio 7 kuti mauto aya akazoendesa VaChombo kumapurisa ekuRhodesville muHarare vakazokumbira kuti vaendeswe kuchipatara cheParirenyatwa.

VaMadhuku vanoti mudzimai waVaChombo akarohwa uye vamwe vemhuri yavo vari kushungurudzwa.

Vachipindura nyaya iyi, mutevedzeri wemunyori anoona nezvemutemo mubato reZanu-PF VaMunyaradzi Paul Mangwana vati aya anonzi “mavictims erevolution ” asi vakawedzera kuti vose vakasungwa vachaendeswa kumatare edzimhosva.