Vanhu Makumi Maviri neVaviri Vofa kuManchester

Vanhu makumi maviri nevaviri kusanganisa vana vadirki vakashaya muManchester kuBritain nemusi weChipiri mushure mekunge mumwe munhu ange akazvipakatira bhambo akazviputitsira.

Izvi zvakaitika paManchester Arena manheru apo pairidza mimhanzi muimbi wekuAmerica Ariana Grande.

Vanhu vanodarika makumi mashanu nevapfumbamwe vanonzi vakakuvara muchiitiko ichi. Mutungamiri wenyika yeAmerica VaDonald Trump uye mutungamiri wehurumende yeBritain Amai Theresa May vashora zvikuru chiitiko ichi.

Mumashoko avo kuvatori venhau Mambokadzi Elizabeth vati nyika yose yeBritain yashamiswa zvikuru nekufa uye kukuvara kwevanhu uku kusanganisa vakuru nevadiki

Mapurisa emuManchester akaudza vatori venhau kuti mumwe murume ane makore makumi maviri nemaviri Salman Abedi ndiye ainge akazviteya nebhambo iri. Vabereki VaAbedi vakabva kuLibya uye mapurisa achiri kuferefeta kuti ane vamwe vaaishanda navo here.

Chimwe chizvarwa cheZimbabwe chiri muManchester VaMacdonald Chimbizi vaudza Studio 7 kuti zvinhu hazvisati zvanyatsogadzikana uye dhorobha rose richiri rakazara mapurisa.

Embed share

Hurukuro naVaMacdonald Chimbizi

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:29 0:00

Pekupinda Napo Kuti Muone Zvamuri Kuda

• 32 kbps | MP3
• 48 kbps | MP3
• 16 kbps | MP3

Pop-out player