WASHINGTON —
Vaimbova makurukota ehurumende Retired Brigadier General Felix Muchemwa naDr Samuel Mumbengegwi vakashaya.
Rtd Brigadier General Muchemwa avo vaimbova gurukota rezvehutano vanonzi vakashaya kuEgypt nemusi weSvondo uko vange vachirapwa.
VaMuchemwa vange vave chipangamazano panyaya dzevakaremara muhofisi yemutungamiri wenyika. Vakuru vemauto vanonzi vatumirwa kuEgypt kunotora mutumbi waRetired General Muchemwa.
Dr Muchemwa, Dr Sydney Sekeramai namuchakabvu Dr Herbert Ushewekunze ndivo vakave vanachiremba vekutanga kuenda kuhondo.
Dr Samuel Mumbengengwi vanonzi vakashaya kuchipatara cheAvenues Clinic muHarare nemusi weChipiri uye vaimbovawo gurukota rezvehupfumi.
VaMumbengegwi vange vave kudzidzisa kuGreat Zimbabwe University kuMasvingo.