Vamwe Vanoti VaMugabe Vaifanirwa Kusiya Vagadzirisa Nyaya yeGukurahundi

Muhupenyu hwavo nemurufu, vaimbove mutungamiriri wenyika VaRobert Mugabe, vanokonzera mutauro muvanhu vakasiyanasiyana.

Vamwe vanovaona segamba guru asi vamwe vachivaona semunhu aiva nemoyo wakaipa.

Dzimwe nyanzvi mune zvematongerwo enyika dzinoti VaMugabe vaifanirwa kugadzirisa nyaya yeGukurahundi vasati vafa nekuti inyaya yakapesanisa marudzi naizvozvo vaifanirwa kuigadzirisa. Vanoti parizvino vanhu havana kunyatso garisana pamusoro penyaya iyi.

Kunonzi vanhu vanopfuura makumi maviri ezviuru vakaurawa munguva yeGukurahundi, vazhinji vavo vari verudzi rweNdebele.

Vanodzidzisa zvematongerwo enyika paWellesley College kuMassachusetts, Doctor Chipo Dendere, vaudza Studio 7 kuti pane zvizhinji zvakasiyiwa zvisina kugadziriswa naVaMugabe, zvinosanganisa nyaya ye Gukurahundi nenyaya yevhu, vachiti izvi zvasara mumaoko emutungamiriri wenyika, VaEmmerson Mnangagwa, kuti vazvigadzirise.

Doctor Dendere vanoti VaMugabe nebato ravo vakarasika pavakatanga kusakudza vanhu, vave kuda zvemari nekudzika mutemo wekuti muZimbabwe muite bato rezvematongerwo enyika rimwe chete.

Embed share

Hurukuro naDoctor Chipo Dendere

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:54 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player