Accessibility links

Breaking News

Zimbabwe Inobatana nepasi Rose kuCherechedza Zuva reWorld Aids Day


Zimbabwe yabatana nepasi rose kucherechedza zuva reWorld AIDS Day
Zimbabwe yabatana nepasi rose kucherechedza zuva reWorld AIDS Day

Zimbabwe neMugovera yabatana nepasi rose mukucherechedza zuva reWorld Aids Day, sangano reNational Aids Council richicherechedza zuva iri kuburikidza nekuita mhemberero kuGlendale mudunhu reMazowe kuMashonaland Central.

Mutauriri weNational Aids Council, Amai Tadiwa Pfupa vanoti mudzimai wemutungamiri wenyika, Amai Auxilia Mnangagwa ndivo vanga vari munyarikani pagungano iri.

“Muenzi wedu anoremekedzwa anga ari Amai Auxilia Mnangagwa. Mai vatorwa nekuti vane chido zvakanyanya neHIV ne cancer, uyezve kumusha kwavo ndikoko muMashonaland Central."

Amai Pfupa vanotiwo vasarudza dunhu reMazowe nekuda kwehuwandu hwevanhu vakabatwa nehutachiwana vari mudunhu iri.

“Idistrict remuMashonaland Central, rine yatinoti prevalence iri high. Vanhu vane hutachiwana hweHIV imomo pavanhu zana vanenge vari 18, but tichitarisa prevalence yenyika yese, pavanhu zana vega vega seZimbabwe tinenge tichiti kune vanhu 14 vane hutachiwana hweHIV. So, nekudaro Mazowe ine vanhu vakwanda vane hutachiwana hweHIV nekuda kwekuti vanoita zvemigodhi, chatinoti chikorokoza, kunoitwa zvekurima zvakanyanyawo,” vanodaro Amai Pfupa.

Vanoti nekuda kwezvikonzero zvavataura izvi, zviitiko izvi zvinoita kuti pabude mari, uye pese panobuda mari panoitawo kubhadharana vanhu vachibhadhara kuenda pabonde.

Amai Pfupa vanoti vafadzwa zvikuru nevanhu vaungana pamutambo wavo uyu, uye vanga vachizvipira kuvhenekwa ropa ravo kuti vane hutachiwana hweHIV ne cancer here.

Hurukuro naAmai Tadiwa Pfupa
please wait

No media source currently available

0:00 0:02:01 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG