WASHINGTON, DC —
Vana chiremba vari kuramwa mabasa vanoti hachisi chokwadi kuti vakawirirana nehurumende kuti vadzokere kubasa, nokudaro vacharamba vachiramwa mabasa.
Mapurisa oenderera mberi achisunga vanhu vari kuisa mashoko padandemutande anozvidza VaMugabe.
Vanhukadzi votambira chirongwa chekushandisa nzira itsva inodzikisa mikana yekubata HIV.
Zvikwata zvenhabvu zvinotanga mitambo yemwaka mutsva, zvimwe zvichifara zvimwe zvichisuwa.
Muchirongwa cheLiveTalk na 8:30pm tiri kutarisa kutanga kwemitambo yenhabvu yepamusoro munyika.
Kana muchida kupinda muchirongwa ichi, kanawo kutumira mashoko kuStudio7, shandisai whats app nhamba dzinoti + 1 202 465 0318.
Vanoda kuteerera Studio7, tibateyi na 7pm pamasaisai anoti 909 AM ne 4930 Kilohertz pa ShortWave.
