Vanogayisa hupfu muZimbabwe votenga chibage kubva kuMexico chinosvika makumi mapfumbamwe ema metric tons.
Sangano rinokweretesa mari pasi rose rinoti Zimbabwe ngaisatarisira kukwereteswa mari kudzamara yabvisa misaririrwa yemari yose yayaifanirwa kunge yakabhadhara pazvikwereti zvayo zvose.
Nyanzvi dzozeya zvinofanirwa kuitwa munyika kuitira kuti mangoda nezvimwe zvicherwa zvisimudzire nyika yose kwete vanhu vashoma chete.
Dare redzimhosva rinombosendeka mutongo waro panyaya yakakwidzwa naVaMatson Hlalo avo vakadzingwa museneti umo vaimirira MDC-T.
Muchirongwa cheLiveTalk na 8:30pm tiri kutarisa zvakaitika panyaya yemangoda, uye zvingaitwe nenyika kuitira kuti mangoda nezvimwe zvicherwa zvibatsire mukusimudzira hupfumi hwenyika.
Vanoda kupinda muchirongwa cheLiveTalk, kana kutumira mashoko pamwe nekukwazisa hama neshamwari, shandisai whats app nhamba dzedu dzinoti + 1 202 465 031
Iyi ndiyo misoro yenhau dzedu dzanhasi...munotibata pa 909 am, 4930, kana pa 13860 ne 15460 kilohertzs pa shortwave kana paFacebook page yedu yeVOAShona.
