Zimbabwe Inowedzera Mazuva eKuvharwa kweNyika

Vakafanobata chigaro chemutungamiri wenyika, VaCostantine Chiwenga. vasizivisa kuti National Lockdown Level Four icharamba iriko kusvika musi wa15 Kukadzi.

Vachitaura apo vawedzera mazuva eNational Lockdown iyo ine chinagwa chedzivirira kupararira kweCovid-19, VaChiwenga vati hurumende iri kuramba ichivheneka vanhu sezvo pave neimwe mhando yehutachiwana hwedenda hunoparira nekukasika.

Vatiwo patove nehurongwa hwekutenga mishonga yekudzivirira denda iri uye veruzhinji vachaziviswa nezvehurongwa uhwu.

VaChiwenga vatiwo Lockdown iri kushanda vachiti kubvira payakatanga huwandu hwevanhu vabatwa neCovid 19 hwadzikira uye huwangu hwevanhu vari kupora kubva kudenda iri hwakwira kubva pazvikamu makumi mashanu nezvina kubva muzana kusvika pazvikamu makumi manomwe nezvishanu kubva muzana.

Vati nekuda kwaizvozvo hurumende yaona zvakakodzera kuwedzera mazuva eLockdown kusvika musi wa15 Kukadzi.

Mapurisa anoti ari kusunga zviuru nezviuru zvevanhu pazuva vanenge vaonekwa vachityora mitemo yeLockdown.

Hurumende yakatozivisa kuti vashandi vayo vari pasi pezvikamu gumi kubva muzana, ndivo chete vari kubvumidzwa kuenda kubasa senzira yekudziviria kupararira kweCovid-19 iyo yauraya vanhu vanodarika chiuru nezana nemakumi matanhatu, kana kuti 1, 160.

Embed share

Nyaya Ina Godwin Mangudya

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:04 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player