Sangano reZHDA Ropomera Sangano Idzva rePDAZ Mhosva yeKupatsanura Vanachiremba

Sangano rinomirira vanachiremba vemuzvipatara zvehurumende, reZimbabwe Hospital Doctors Association rinoti riri kushoropodza kuumbwa kwerimwe sangano rinomirira vanachiremba, reProgressive Doctors Association of Zimbabwe, iro rakaparurwa neMugovera muHarare.

Munyori mukuru weZimbabwe Hospital Doctors Association, Doctor Tawanda Zvakada vanoti sesangano vanoona sekunge kuumbwa kwerimwe sangano ravanachiremba uku kwakanangana nekuda kupesanisa vanachiremba kuti vasataure nezwi rimwechete mukurwira kwavo kuti vapiwe mihoro inovakwanira pamwe nekuti mashandiro avo avandudzwe nehurumende.

Doctor Zvakada vanoti kunyange hazvo bumbiro remitemo richipa kodzero yekuumba masangano, sesangano, havasi kunzwisisa kuti sei pakatorwa danho rakadaro rekuparura rimwe sangano rinopesana nemashandiro avo ekuti hupenyu hwavanachiremba hunge huchisimudzirwa.

Embed share

Hurukuro naDoctor Tawanda Zvakada

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:08 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player

Izvi zvinotevera kuparurwa kwesangano rinonzi Progressive Doctors Association of Zimbabwe, iro rinonzi riri kutungamirwa naDoctor Benson Dandira.

Asi mutauriri weProgressive Doctors Association, Doctor Anesu Rangwani, varamba mashoko ekuti sangano ravo rakanangana nekupesanisa vanachiremba.

Doctor Rangwani vaudza Studio 7 kuti sangano ravo rakaumbwa mushure mekuona kutambura kuri kuita varwere muzvipatara zvichikonzerwa nekuramwa mabasa kwavanachiremba, uko kwava nemazuva zana nemana.

Doctor Rangwani vanoti savanachiremba vakatora mhiko yekuti vachashandira nyika mukubatsira varwere, asi izvi handizvo zviri kuitwa navanachiremba pari zvino.