Accessibility links

Breaking News

Mufundisi Maforo veUnited Methodist Church vari kuKansas muAmerica Vobatsira Vari Kumusha Vanoshaya


Mufundisi Jacob Tozoona Maforo vekereke yeUnited Methodist Church kuKansas muAmerica.

Muchikamu chedu chatinotarisa zviri kuitwa nezvizvarwa zveZimbabwe zviri kunze kwenyika, svondo rino tine hurukuro naMufundisi Jacob Tozoona Maforo vekereke yeUnited Methodist Church, avo vari mudunhu reKansas muAmerica

Mufundisi Maforo vakabatana nevamwe vana veZimbabwe vari mudunhu iri vari kubatsira vari kumusha nezvinhu zvakasiyanasiyana zvinosanganisira mbatya nemakombiyuta, uye vari kubatsirawo zvakare zvizvarwa zveZimbabwe zviri muAmerica zvinenge zvichidawo rubatsiro kuburikidza nechirongwa chavo che"Building for The Future."

Mufundisi Maforo vakaberekerwa paOld Mutare vakazokurira pamwe nekudzidza kuHeadlands vasati vadzokera zvakare kwaMutare kwavakazonodzidza paHartzell High School.

Vakazoenda kunoita zvidzidzo zvekubatsira pamwe nekusimudzira vanotambura kana kuti social work, pashure vachizonoita zvidzidzo zvechifundisi paZimbabwe Council of Churches Ecumenical and Human Resources Training Centre.

Muna 1995 Mufundisi Maforo vakazoenda kuAmerica asi vakazofunga zvekugara munyika iyi muna 1997, umo vakaita zvidzidzo zvepamusoro zvakasiyanasiyana uye kutanga kuita basa rechifundisi, panguva imwechete vachiita mabasa ekubatsira vanoshaya avakatanga vachiri mudiki vari nhengo yeYoung Men's Christian Association.

Hurukuro naMufundisi Jacob Tozoona Maforo
please wait

No media source currently available

0:00 0:03:47 0:00
Pekupinda Napo Kuti Muone Zvamuri Kuda


Facebook Forum

XS
SM
MD
LG