Zvizvarwa zveZimbabwe Zviri Kunze Zvokurudzirwa Kunzwisisa Dzidziso Pamusoro peCOVID-2019

Zvizvarwa zveZimbabwe zviri kunze kwenyika zviri kukudzirwa kuti zvitevere kurudziro dzekudzivirira kubatwa nechirwere checoronavirus, icho chave kunzi Corona Virus Disease, 2019, kana kuti COVID-2019, dziri kupiwa nemapoka ehutano munyika dzazvigere, kuitira kuderedza mikana yekuti zvibatwe nechirwere ichi.

Chizvarwa cheZimbabwe uye vari sachigaro vesangano ravanachiremba vanorwira kodzero dzevanhu, reZimbabwe Association of Doctors for Human Rights, Doctor Fortune Nyamande, avo vari kuSweden, vanoti nyika imwe neimwe iri kuburitsa mashoko ekushambadza nzira dzekuti vanhu vange vachizvidzivirira kubva kuchirwere ichi.

Doctor Nyamande vanoti izvi zvakakosha zvikuru kuvana veZimbabwe vari kunze kwenyika kuitita kuti vazive mamiriro akaita chirwere ichi munyika dzavagere.

COVID-2019 inonzi yauraya vanhu vanodarika chiuru nezana muChina uye vaviri kunze kwenyika yakatangira chirwere ichi iyi.

Vanhu vanodarika zviuru makumi mana nezvishanu muChina chete vanonziwo vabatwa nechirwere ichi, kunyange hazvo zviri kunzi kupararira kwacho kwadzikira munyika iyi.

Embed share

Hurukuro naDoctor Fortune Nyamande

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:08 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player