Britain Inoshevedza Mumiriri weZimbabwe neNyaya yeMhirizhonga

Gurukota reBritain rinoona nezvekudyidzana neAfrica, amai Harriet Baldwin, nemusi weChina vakadaidza mumiriri weZimbabwe muBritain, Rtd. Colonel Christian Katsande vakavaudza kuti nyika yavo haisi kufara nezviri kuitwa nemauto zvekupfura vanhu nepfuti.

Amai Baldwin vakati mauto anofanirwa kushanda zviri pamutemo kunyangwe hazvo vanhu vari kuratidzira vamwe vachinzi vari kuita zvemhirizhonga. Britain inoti hurumende haifanirwewo kuvhara masaisai einternet, uye inoti iri kukurudzira kuti hurumende ivhure masaisai aya nekuchimbidzika.

Amai Barbara Nyagomo vebato reProgressive Democrats of Zimbabwe uye vachigara kuLondon kwakare kuBritain vanoti Britain inofanirwa kutsanangurira VaKatsande kuti vana veZimbabwe vane kodzero yekuratidzira kana vachipokana nezvavanenge vasingawirirane nazvo.

Embed share

Hurukuro naAmai Barbara Nyagomo

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:59 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player

Zvichakadaro, sangano reEuropean Union riri kushoropodzawo kushandiswa kwechisimba nehurumende yeZimbabwe munguva yekuratidzira kwevanhu.

Mugwaro ravakaburitsawo nemusi weChina, mutauriri wesangano iri, Amai Maja Kocijancic, vakati vanotarisira hurumende yeZimbabwe kuti iremekedze kodzero dzevanhu pamwe nemutemo, sezviri mubumbiro remitemo.

Sangano reEuropean Union rakakurudzirawo kuti paferefetwe zvakadzama kufa kwevanhu pamwe nekushungurudzwa mumazuva adarika.