Accessibility links

Breaking News

Nhengo dzeSangano reVarairidzi reARTUZ Dzotanga Kuramwa Mabasa neMuvhuro Uno


Abenhlanganiso yababalisi eyeAmalagamated Rural Teachers Union of Zimbabwe-ARTUZ.

Sangano revarairidzi reAmalgamated Rural Teachers’ Union of Zimbabwe, ARTUZ, rinoti nhengo dzaro dziri kutanga kuramwa mabasa neMuvhuro 15 Mbudzi kwemasvondo maviri dzichida kuti hurumende igadzirise zvichemo zvevarairidzi.

Mutungamiri weARTUZ, VaObert Masaraure vanoti vane nyaya mbiri dzinoti yemihoro yevarairidzi, pamwe neyekuti varairidzi vachanyoresa bvunzo gore rino vasainirane zvibvumirano zvebasa kana kuti ma contract vasati vatanga kunyoresa bvunzo.

VaMasaraure vanoti vakabvisa imwe yenyaya dzavaida kuti dzigadziriswe, yemabhonasi, mushure mekunge hurumende yazivisa kuti gore rino ichapa vashandi vayo mari dzemabhonasi mumari yekuAmerica.

Panyaya yekuti vari kuronga kuramwa mabasa panguva iyo vana vave kugadzirira kunyora bvunzo dzegore rino, VaMasaraure vanoti varairidzi vaari kuedza kuti nyika inzwewo zvichemo zvavo kuitira kana hurumende iine zvainogona kuita bvunzo dzisato dzanyorwa igadzirise.

Studio 7 haina kukwanisa kunzwa divi rehurumende panyaya iyi.

Hurukuro naVaObert Masaraure
please wait

No media source currently available

0:00 0:03:06 0:00
Pekupinda Napo Kuti Muone Zvamuri Kuda


Facebook Forum

XS
SM
MD
LG