Sangano Rinomirira Vashandi Mubazi Rezvekurima Harisi Kufara Nemabatirwo Arikuitwa Nhengo Dzaro Nehurumende

Sangano rinomirira vashandi mubazi rezvekurima, reZimbabwe Agricultural Professionals and Technical Association (ZAPTA), rinoti harisi kufara nezvirikuitwa nehurumende maererano nekuvabhadhara mari dzekubatsirikana panguva yekurwisana ne Covid-19.

Munyori mukuru we ZAPTA, VaZivaishe Zhou, vanoti nhengo dzesangano ravo zhinji hadzina kupiwa mari idzi kunyangwe hazvo dzichikodzera kupiwa mari iyi.

VaZhou vanoti chimwe chinhu chiri kunyanya kunetsa nhengo dzesangano ravo ndechekuti zvinoita sekuti avo vakapiwa mari idzi, vakapiwa vachisiyaniswa zvekuti pave nekufungira kuti parikuitwa zvehusahwira mukubhadharwa kwemari idzi.

Umwe wevakuru muhofisi inoona nezvevashandi mubazi iri, aramba kudomwa nezita, audza Studio 7 kuti vashandi vose vanoziva kokuenda kana vaine zvichemo pamusoro pemari nemihoro.Vati zvekare, bazi ravo rinotarisira kuita musangano nevatungamiri veZAPTA nhasi, Muvhuro.

Embed share

Hurukuro naVaZivaishe Zhou

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:03 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player