Imwe nyanzvi munyaya dzematongerwo enyika, Va Francis Musoni, avo vanodzidzisa pa University of Kentucky muAmerica, vanoti danho ratorwa nemuzinda weAmerica rekuyambira zvizvarwa zvayo pamusoro pemhirizhonga ingangoitika muHarare, chinhu chinotarisirwa kuitwa nenyika dzakawanda.
VaMusoni vanoti shuwiro yavo ndeyekuti mutongo uchabuda mudare ubatsire mukugadzirisa zviri kunetsa munyaya dzehupfumi.
VaMusoni vanoti mumwe weavo vakaenda kunovhota kuZimbabwe musarudzo dzichangobva kuitwa, uye shuwiro yavo ndeyekuti zvinhu zvichashanduka munyika kana dare reConstitutional Court rikapa mutongo waro nemusi weChishanu.
"Isu sezvizvarwa zveZimbabwe zviri muAmerica takatarisira kuti zvinhu zvigadzirike munyika sezvo tiine hama dziri kumusha dzatinoda kuti dzigare zvakanaka nesuwo tinoda kuti zvinhu zvigadzirike kuitira kuti tigodzokerawo kumusha,"VaMusoni vaudza Studio 7.
Facebook Forum