Zimbabwe Football Association,ZIFA, inoti iri kutora matanho makukutu kunhengo dzayo dzakawanikwa dziine chekuita nekutengeswa kwemitambo yenhabvu ku asia. Mutori wedu wenhau dzemitambo, Michael Kariati, anotipa nyaya iyi.
Mune imwewo nyaya, ZIFA yadoma Norman Mapeza semurairidzi mutsva wechikwata chema Warriors. Mapeza ari kutarisirwa kutanga gadziriro yemakwikwi e Africa Cup Of Nations qualifiers munguva pfupi inotevera. Acting chief Executive ve ZIFA, va Jonathan Mashingaidze, vanoti vaMapeza vakatotanga basa nezuo.
Vakambenge vakabata chinzvimbo cha caretaker coach va Madinda Ndlovu havana kudomwa pane avo vachange vachishanda nemaWarriors.
Gore rapera ZIFA yakange yagadza chizvarwa cheBelgium vaTom Saintfeit semurairidzi mutsva asi bazi rehurumende reImmgration rakanyima va Saintfeit bvumo yekushanda munyika.
