Accessibility links

Breaking News

ZCTU Inoiti Hurumende Haikwanise Kushandisa Mitemo yeChimbichimbi Kudzinga Basa Vashandi


Vatungamiri veZCTU, VaJaphet Moyo, naVaPeter Mutasa

Sangano guru revashandi, reZimbabwe Congress of Trade Unions, rinoti hurumende haikwanise kudzinga basa vashandi ichishandisa mitemo yechimbi chimbi, kana kuti Statutory Instruments, sezvairi kutaura sezvo kuri kutyora bumbiro remitemo.

Hurumende yakazivisa kuti kutanga nhasi, Muvhuro, vashandi vayo vose vanenge vasina kubayiwa nhomba vachamiswa basa vonyimwa mari yemihoro kunze kwekunge vaine zvikonzero zvakati tsvikiti.

Vanenge vagarisa vasina kubayiwa vanonzi vanogona kudzingwa basa. Hurumende yakatoburitsa kare mugwaro rayo, reGovernment Gazette, kuti vashandi vose vange vabayiwa nhomba kusvika musi wa 15 Gumiguru.

Mutevedzeri wegurukota rezvekuburitswa kwemashoko, VaKindness Paradza, vaudza Studio 7 kuti hapana kudududza panyaya iyi. Asi munyori mukuru weZCTU VaJaphet Moyo vaudza Studio 7 kuti kudzinga vashandi kutyora bumbiro remitemo uye vashandi vanokwanisa kuenda kumatare

please wait
Embed

No media source currently available

0:00 0:04:25 0:00
Pekupinda Napo Kuti Muone Zvamuri Kuda

Zvichakadaro, rimwe sangano rinomirira varairidzi, reProgressive Teachers’ Union of Zimbabwe, rinoti rinokurudzira nhengo dzaro kuti dzirambe dzichienda kuzvikoro kusvika dzazonyorerwa tsamba dzekuvamisa basa nehurumende.

Mutungamiri wesangano iri, Doctor Takavafira Zhou, vanoti pane zvikonzero zvizhinji zvinotadzisa vamwe vanhu kuti vabaiwe nhomba, vachiti iyi haisi nyaya yekumanikidza vanhu asi kuti hurumende ione kuti chii chiri kukonzera kuti vamwe vatsike madziro pakubayiwa nhomba yeCovid-19.

please wait

No media source currently available

0:00 0:03:59 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG