Zviuru nezviuri zvevashanyi vemunyika vakatarisira kukwira ndege dzakasiyana siyana vachienda kuEurope kunyanya Britain, vari kutarisana nedambudziko rekutadza kusimuka sezvo kufashanyuka kwepasi ku Iceland, kwaita kuti nhandare dzendege zvinji dzevharwe.
Ndege dzakawanda dzakambomira kubhururuka, sezvo hutsi huri muchadenga mu Iceland, huchitadzisa ndege kupfuura nemunzvimbo iyi zvakanaka.
Vanoona nezvekuburitswa kwemashoko ku Air Zimbabwe, muzvare Victoria Mungazi, vanoti ndege dzavo dzambomira kuenda kuEurope kusvika vapihwa mvumo kubva kusangano rinomirira mafambiro endege pasi rose kuti hapasisina njodzi mukufamba kwendege.
Chimwe chirwara che Zimbabwe, amai Janet Mtetwa, vanoti vanganiswa zvikuru nechiitiko ichi sezvo venge vasingatarisira kunge vari munyika kwenguva huru.