Vatambi vechikwata cheDynamos vanoti vari kufara zvikuru nematambiro avakaita pamutambo wavo we Confederation Of African Cup - Champions League apo vakakunda chikwata che Entente Setif cheku Algeria 1 - 0 pamutambo wakatambirwa kunhandare yeRufaro stadium muHarare nezuro.
Mutambi weDynamos, Wonder Sithole, ndiye akaniswa chibodzwa che De’mbare boys.
Aka ndekekutanga Dynamos ichikunda mumakwikwi aya, zvichitevera kukundwa kwayakaitwa ne TP Mazembe ne Esparance mumitambo yemu Group A. Dynamos ichatamba zvakare nechikwata ichi mumutambo weChipiri, kana kuti second leg, masvondo maviri anotevera kuAlgeria.
Vatambi veDynamos vari kutarisira kukunda pamutambo uyu kuitira kuti vaenderere mberi nemakwikwi aya.
Mutambi weDyanamos, David Kutyauripo, uyo anotamba sa defender anoti vatambi vazhinji vachashandisa makwikwi aya kuti vawane mukana wekutambira kunze kwenyika kunezvimwe zvikwata mune remangwana.
