Accessibility links

Breaking News

VaMnangagwa Vanosangana neVechidiki veBato Ravo reZanu-PF


Vechidiki veZanu PF
Vechidiki veZanu PF

Mutungamiri weZanu PF VaEmmerson Mnangagwa neChitatu vakasangana nevatungamiri vevechidiki vebato ravo muHarare vakati boka revechidiki iri harisi kunyatsoonekwa mashandiro aro panyaya dzekukwezva vechidiki kuti vave nechekuita mune mamiriro ezveupfumi hwenyika.

VaMnangagwa, avo vapinda musangano veNational Assembly yevechidiki ava, vatiwo vechidiki ava ndivo vanofanirwa kudzivirira pamwe nekusimudzira gwara remusangano weZanu PF.

Vatiwo vakatambira chikumbiro chevechidiki chekuti bazi roga roga rive neboka rinoona nezvezvido zvevechidiki, vachiti vachagara pasi kuti vazeye nezvechikumbiro ichi.

Munyori anoona nezvevechidiki kuZanu PF, VaPupurai Togarepi vanoti musangano uyu wanga wakakoshera vechidiki zvakanyanya sezvo uchivapa mukana wekusangana nemutungamiri wenyika.

VaTogarepi vanotiwo zvabuda mumusangano uyu zvichatakurwa nevechidiki vodzokera nazvo kumatunhu kwavo uko vachanozvishandisa mukusimudzira musangano wavo pamwe nenyika.

Hurukuro naVaPupurai Togarepi
please wait

No media source currently available

0:00 0:02:41 0:00
Pekupinda Napo Kuti Muone Zvamuri Kuda

Facebook Forum

XS
SM
MD
LG