Accessibility links

Breaking News

Umphathintambo Wezemali Ukhetha Amalunga eBoard yeReserve Bank of Zimbabwe


Umnumzana Tendai Biti umphathintambo obona ngezemali usekhethe abantu abalitshumi ukuba ngamalunga eboard yebhanga elikhulu lelizwe iReserve Bank of Zimbabwe.

Laba bantu bagoqela ingcitshi zenotho, usibalukhulu walelibhanga uMnu. Gideon Gono kanye le ngcwethi zomthetho ezimbili.

Umnu. Kombo Moyana, owayengusibalukhulu walelibhanga njalo engomunye wabakade bekhangelelwe ukuthi bangangena kuboard ye RBZ le, ekhangelelwe ukuncedisa ukuthi lelibhanga liququle ukusebenza kwalo, walile ukuba lilunga.

Umnu. Masimba Kuchera ingcwethi ecubungula ezenotho utshele uGibbs Dube we Studio 7 ukuthi iboard le iyahlonipheka njalo ilakho ukuthuthukisa inotho ye lizwe nxa ibhanga le RBZ lingathola imali yokuqhuba inhlelo ezitshiyeneyo.

Abanye abaku board le ngoMnumzana Charles Kuwaza owe State Procurement Board, Godfrey Kanyenze obona ngezamalungelo ezisebenzi, George Smith owayengumahluli eHigh Court, Modercai Mahlangu oligwetha, ingcwethi kwezenotho ezithi oMnumzana Daniel Ndlela, Nyasha Zhou lo Tony Hawkins. Unobhala wogatsha lwezemali uWillard Manungo kanye lo Professor Primrose Kurasha.

XS
SM
MD
LG