Misoro yeNhau dzaNhasi, Chitatu, Chikunguru 25, 2018.
Mutungamiri weMDC Alliance, VaNelson Chamisa, vanoti bato ravo riri kupinda musarudzo nemusi weMuvhuro zvisineyi kuti Zimbabwe Electoral Commission iri kuramba yakaomesa musoro pazvinyunyuto zvavo, asi vachiti havasi kuzotambira zvinobuda musarudzo zvisingaratidze zvido zvevanhu.
Mutungamiri wenyika, VaEmmerson Mnangagwa, vanovhura zviri pamutemo muzinda wekugadzira chrome kuKwekwe
Zimbabwe Electoral Commission inoti basa rose resarudzo riri mugwara kwaro, uye yakatotanga kuendesa mapepa ekuvhotera kumatunhu, Zec ichibatsirwa nemapurisa kutakura mapepa ekuvhotera, izvo zviri kushorwa nemapato anopikisa.
Mutungamiri weBuild Zimbabwe Alliance, Doctor Noah Manyika, vanoti vari kukwikwidza zvine mutsindo musarudzo yemutungamiri wenyika kunyange hazvo nhandare yezvematonmgerwo enyika yakarerekera kubato reZanu PF.
Mutungamiri mutsva weZimbabwe Women’s Soccer League, Muzvare Babra Chikosi, vanoti vari kuda kuti nhabvu yevanhukadzi itambwe muzvikoro zve primary senzira yekutsvaga tarenda iro rapwa mumutambo uyu
Muchirongwa cheLiveTalk na8pm tiri kutarisa zviri kuitika mugadziriro dzesarudzo neMuvhuro.
Kana muchida kupinda muchirongwa ichi, kanawo kutumira mashoko kuStudio7, shandisai WhatsApp nhamba dzinoti 001 202 465 0318…
Vanoda kuteerera Studio7, tibateyi na7pm pamasaisai anoti 909 am 4930; 6040, ne 15460 Kilohertz paShortwave mazuva ose.
Munokwanisawo kunzwa Studio7 na6 am - Muvhuro kusvika Chishanu, pamasaisai anoti 909 am, 4930, 7270, ne 9885 Short Wave.
Facebook Forum