Vanhu makumi matatu nevana vakafa nezuro nechirwere cheCovid-19, vamwe zviuru zviviri nemazana maviri ane makumi matanhatu nevana vakawanikwa vaine chirwere ichi nezuro wakare.
Zimbabwe inotambira mamiriyoni maviri enhomba dzekudzivirira Covid-19 apo denda iri rave kuita chamurambamhuru mhuru munyika.
Kanzuru yeHarare inozivisa nezvenzvimbo makumi matatu neimwe dziri kubairwa vanhu nhomba yekudzivirira Covid-19.
Mukuru weZimbabwe National Army, Lieutenant General Edzai Chimonyo, vashaya mushure mekurwara nechirwere chegomarara
MDC Alliance rinoti SADC inofanira kusimbaradza matanho airi kutora kumisa kusagadzikana kuri kuEswatwini. Bato iri rinoti riri kuendesa nyunyuto kumizinda yenyika iyi pasi rese kuti irege kuuraya vanhu vari kuratidzira vachida hutongi hwejekere.
Zanu PF ne MDC Alliance zvotatsurana pamusoro pamuzvinabhizinesi, VaKuda Tagwirei, avo vane huori hwakaburitswa neThe Sentry hunoratidza kuti vanotsigirwa nevakuru vakuru muhurumende, vanosanganisira mutungamiri wenyika, VaEmmerson Mnangagwa, gavhuna webhanga guru renyika, VaJohn Mangudya nevamwe.
Muchirongwa cheWomen’s RoundTable na8pm tiri kutarisa zviri kuitwa nevanhukadzi munyika.
Kana muchida kupinda muchirongwa ichi, kanawo kutumira mashoko kuStudio7, shandisai WhatsApp nhamba dzinoti 001 202 465 0318.
Vanoda kutererera Studio7, tibateyi na7pm pamasaisai anoti 909 am 4930; 13860, ne 15460 Kilohertz paShort Wave mazuva ose.
Munokwanisawo kunzwa Studio7 na6 am - Muvhuro kusvika Chishanu, pamasaisai anoti 909 am, 6175, 7255 Short Wave.
Facebook Forum