Accessibility links

Breaking News

Misoro yeNhau dzaNhasi, Chipiri, Mbudzi 17, 2020


Misoro yeNhau

Vanhu makumi matanhatu nevasere vakabatwa nechirwere cheCovid-19 nezuro, izvo zvakasvitsa huwandu hwevanhu vabatwa nechirwere ichi munyika pazviuru zvesere nemazana masere nemakumi mapfumbamwe nevanomwe.

Nyanzvi munyaya dzehutano dzotaura pamusoro pekukwira kuri kuita huwandu hwevanhu vari kubatwa nechirwere cheCovid-19.

Nyanzvi munyaya dzehupfumi dzozeya hwaro hwehuruimende hwakanangana nekusimudzira hupfumni hwenyika pasi pechirongwa che National Development Strategy.

America inoti huwandu hwevadzidzi vemuZimbabwe vari kunoita zvidzidzo zvavo kuAmerica munongedzo wakanaka wekudyidzana zvakanaka munyaya yedzidzo uripo pakati peZimbabwe neAmerica.

Studio7 inotarisa zvakadzama zviri kuitika muAmerica takatarisa kutambidzanwa kwemasimba kunoitika mushure mesarudzo.

Vatsigiri vemutambo wenhabvu votaura nemufaro pamusoro pechikwata chavo chema Warriors icho chakaita mangange neAlgeria nezuro

Muchirongwa cheThe Connection na8pm tiri kutarisazviri kuitwa nevechidiki

Kana muchida kupinda muchirongwa ichi, kanawo kutumira mashoko kuStudio7, shandisai WhatsApp nhamba dzinoti 001 202 465 0318.

Vanoda kutererera Studio7, tibateyi na7pm pamasaisai anoti 909 am 4930; 13860, ne 15460 Kilohertz paShort Wave mazuva ose.

Munokwanisawo kunzwa Studio7 na6 am - Muvhuro kusvika Chishanu, pamasaisai anoti 909 am, 6175, 7255 Short Wave.

Facebook Forum

XS
SM
MD
LG