Rahman Gumbo naLloyd Mutasa Votungamira Zimbabwe kuCosafa

Murairidzi wechikwata chenhabvu chemaWarriors Sunday Chidzambwa adzoka kumusha kuzochema baba vake vakashaya nezuro achisiya vatevedzeri vake, Rahman Gumbo naLloyd Mutasa vachirairidza kumakwikwi eCosafa kuSouth Africa.

Mutungamiri weZIFA VaFelton Kamambo vanoti sangano ravo raona zvakakodzera kuti murairidzi wechikwata chemaWarriors Mhofu ambopihwa mukana wekuchema baba vake avo vakashaya mushure mekurwara kwenguva yakareba.

Chikwata chenyika chemaWarriors chiri kupinda munhandare yeMoses Mabhidha Stadium neChitatu kusangana neZambia muma semi fainari.

Zimbabwe yakapinda mumasemi finals mushure mekurova Comoros 2-0, Zambia ichisvikawo muma semi fainari umu mushure mekurova Malawi nemapenareti.

Mune mumwe mutambo wemasemi finals, Lesotho iri kutamba neBotswana musi mumwe chetewo. Zimbabwe irikuda kutora mukombe uyu kechinomwe uyezve kwemakore matatu akateverana.

Embed share

Nyaya Ina Michael Kariati

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:10 0:00

Pekupinda Napo Kuti Muone Zvamuri Kuda

• 16 kbps | MP3
• 32 kbps | MP3
• 48 kbps | MP3

Pop-out player