Chikwata che Gunners chaita mangange 1-1 ne Caps United mumutambo we Premier Soccer League watambirwa kunhandare yeRufaro nhasi masikati.
Mune imwe nyaya mutambi mukuru wechikwata chema Warriors, Benjani Mwaruwari, azivisa kuti haachadi kutambira chikwata ichi mumitambo inotevera sezvo ave kuda kushandisa hunyanzvi hwake kuchikwata chaanotambira kuBritain cheBlackburn Rovers.
Mwaruwari akatamba mutambo wake wekupedzisira nechikwata chemaWarriors neSvondo apo chikwata ichi chakaita mangenge 0-0 ne Cape Verde pamutambo we Africa Cup Of Nations qualifier.
Mutambi aimbotambira chikwata che Lengthens, Eddie Guri, uyo ave kutambira FC Cape Town muSouth Africa anoti kusiya basa kwaMwaruwari kuchakanganisa zvinhu muchikwata ichi sezvo ane hunyanzvi waigona kuzobatsira vamwe vatambi vechidiki vemuchikwata ichi.
