Sangano rinomirira nhabvu munyika re Zimbabwe Football Association (ZIFA) rinoti ichokwadi kuti murairidzi mutsva wechikwata chemaWarriors, va Tom Saintfiet, vaburitswa munyika nehurumende vachinzi havana magwaro ekushanda vari munyika.
VaSaintifiet vaenda muSouth Africa umo vari kumirira mapepa avo kuti agadziriswe.
Sangano reZIFA rinoti vatevedzeri vemurairidzi uyu, va Mandida Ndlovu, nava Norman Mapeza, ndivo vachange vachitungamira chikwata apo chichatamba ne Cape Verde mumutambo we African Cup Of Nations pakupera kwesvondo.